2022-жылдын 4-мартында Нарын районундагы Эмгек –Талаа айылындагы Керимбай уулу Сарыбай атындагы орто мектебинин салтанаттуу ачылыш аземи болуп өттү.

Нарын районундагы Эмгек-Талаа айылындагы Керимбай уулу Сарыбай атындагы орто мектеби 3 имараттан туруп, 1-имараты 1960-жылы, 2-имараты 1971-жылы, 3-имараты 1988-жылы курулган.
Аталган мектептин биринчи жана экинчи имаратынын көп жылдык эскилиги жеткендиктен авариялык абалда деген корутунду Нарын райондук Жарандык коргонуу комиссиясынын 2015-жылдын 15-октябрындагы АКТсынын негизинде чыгарылган.
2019-жылы 225 орундуу, эки кабаттуу, спорт залы менен мектепти куруу үчүн каражат Республикалык бюджеттен каралып, 2020-жылдын 18-майында мектептин курулуш иши башталган. Сметалык наркы: 77 767 миң сом . Салтанаттуу ачылышка КР Президентинин Нарын облусундагы ыйгарым укуктуу өкүлүнүн орун басары Элмира Садыкова, Нарын райондук мамлекеттик администрациясынын башчысы аким — Нуридин Мадимаров, Нарын облустук усулдук билим берүү борборунун жетекчиси Мамытов Казымбек, Нарын райондук билим берүү бөлүмүнүн башчысы Гүлбарчын Исакова, чакырылган коноктор жана жергиликтүү тургундар катышты.