16-декабрда Нарын районунун Дөбөлү айылында 50 орундуу бала бакчанын ачылыш аземи болуп өттү. Бала бакчага 2021-жылдын 15-мартынан баштап куруу иштери жүргүзүлүп, Кыргыз Республикасынын коомчулукту өнүктүрүү жана инвестициялоо Агентствосунун (АРИС) “Коммуналдык инфраструктураны каржылоо долбоору тарабынан ишке берилген. Бала бакчанын имараты бир корпустан турат жана бардык керектүү эмеректер, техникалык жабдуулар менен жабдылып жалпы 18358590 сом өлчөмүндөгү акча каражаты жумшалды.
Иш-чарага Нарын облусундагы ыйгарым укуктуу өкүлчүлүгүнүн, Нарын районунун администрациясынын, Нарын райондук билим берүү бөлүмүнүн жана АРИСтин аймактык өкүлдөрү жана жергиликтүү тургундар катышты.