Нарын районунун Түгөл уулу Усупбек атындагы орто мектебинде Медиа маалыматтык сабаттуулук боюнча семин-тренинг болуп өткөрүлдү.

Биздин  азыркы жашообузду кол телефонсуз  жана  интернетсиз элестетүүгө болбойт. Бүгүнкү күндө маалымат технологиялары күндө -күнгө жаңыланып жана өнүгүп келүүдө. Албетте, мындай өзгөрүүдөн  жана өнүгүүдөн  билим  берүү  системасы  да   четте калбай алгылыктуу иштерди алып барууда. Айта  кетсек   Нарын районуна караштуу Түгөл уулу  Усупбек атындагы орто мектебинде  Нарын райондук билим берүү бөлүмүнүн  колдоосу  менен  медиа маалыматтык  сабаттуулук  боюнча  семинар –тренинг  болуп  өткөрүлдү. Семинар — теренингге Нарын райондук билим берүү бөлүмүнүн  башчысы, усулчулары , Нарын районунун мектептеринен келген мугалимдер жана  окуучулар катышышты. Семинарды «Усупбекстан» медиа борборунун координатору Акылай Алмазбекова  жана жаш кабарчылар алып барышып, катышуучуларга медиа  маалыматтык  сабатуулук, фейк маалыматтар, сынчыл-ой жүгүртүү, кыска жаңылык жазуу боюнча маалыматтар берилип, мастер класстар өткөрүлдү. Тренинг практикалык иштер менен коштолуп, атайын темалар боюнча  макала жазууга  жана социалдык тармактарда  медиа борборлордун  баракчаларын ачууга  жетишишти.